Muallif: Кadirova, Mashxura Mirzaakbarovna
Annotatsiya: Mazkur maqola globallashuv jarayonlari va zamonaviy mehnat bozorining o‘sib borayotgan talablari sharoitida kasbga yo‘naltirilgan holda chet tillarni o‘qitishning nazariy va amaliy asoslarini tadqiq etishga bag‘ishlangan. Chet tillarni kasbiy yo‘nalishda o‘qitish o‘quvchilarga tanlangan sohada maxsus leksika, terminologiya va kasbiy muloqot ko‘nikmalarini shakllantirish imkonini beradi, bu esa kelajakdagi kasbiy faoliyatda samarali ishlashni ta'minlaydi. Maqolada ushbu o‘qitish modelining afzalliklari va zamonaviy davrda yuzaga kelayotgan asosiy muammolar, jumladan, maxsus o‘quv dasturlarining yetarlicha rivojlanmaganligi, kasbga oid o‘quv materiallari yetishmasligi, shuningdek, o‘qituvchilarning kasbiy yo‘nalishda malaka oshirish ehtiyojlari keng qamrovda tahlil qilinadi. Shu bilan birga, maqolada kasbga yo‘naltirilgan chet tillarni o‘qitish jarayonida qo‘llanilishi mumkin bo‘lgan samarali yondashuvlar va innovatsion metodlar, jumladan, interaktiv texnologiyalar va amaliyotga yaqin o‘quv shakllari yuzasidan tavsiyalar taqdim etiladi. Bunda loyiha asosidagi o‘qitish, vaziyatli muloqot texnikalari, rol o‘yinlari va kasbiy muhitni simulyatsiya qiluvchi mashg‘ulotlar o‘quvchilarning amaliy ko‘nikmalarini rivojlantirishga qaratilgan metodlar sifatida taklif etiladi. Maqolada keltirilgan ilmiy va metodik tavsiyalar chet tilini o‘qitish jarayonini yanada samarali va kasbga mos qilib tashkil etishga xizmat qiladi. Shuningdek, bu tavsiyalar orqali o‘qituvchilar o‘z faoliyatlarida zamonaviy yondashuvlarni qo‘llash imkoniyatiga ega bo‘lib, o‘quvchilarning kasbiy ehtiyojlariga mos va raqobatbardosh bilim olishlariga ko‘maklashadi. Ushbu ilmiy asoslangan yondashuvlar, ta'lim sifatini oshirish, o‘quv jarayoniga kasbiy o‘qitish modelini tatbiq etish va kelgusida xalqaro mehnat bozorida talab yuqori bo‘lgan mutaxassislarni tayyorlashga ko‘mak beradi.
Kalit so'zlar: Globallashuv; kasbga yo‘naltirilgan chet tili ta’limi; o‘qitish nazariyasi; amaliy metodlar; maxsus leksika; kasbiy kompetensiya; interaktiv texnologiyalar; simulyatsiya; ta’lim sifati; xalqaro mehnat bozori.
Jurnaldagi sahifalar: 33 - 40
