Muallif: Алимов, Оқилиддин

Annotatsiya: Мазкур мақолада Япония иқтисодий дипломатиясининг ривож¬ла¬ниш тенденциялари, иқтисодий дипломатиянинг миллий манфаатларни илгари суриш¬да¬ги роли, Япониянинг глобал ва минтақавий ташқи иқтисодий фаолиятининг ўзига хос жиҳатлари, ташқи иқтисодий фаолиятнинг сиёсий-ҳуқуқий асослари ёритилган. Шу¬нинг¬дек, Япониянинг халқаро ва минтақавий ташкилотлар, интеграцион уюшмалар доира¬сидаги иқтисодий дипломатияси, иқтисодий дипломатияни амалга оширишнинг анъанавий ва замонавий усуллари, ташқи иқтисодий фаолиятнинг институционал асос-лари, инвестициявий сиёсатнинг устувор йўналишлари ўрганилган. Ўтган асрнинг иккинчи ярмидан бошлаб Япония ташқи сиёсат ва миллий хавф¬сизлик соҳасидаги муаммоларни ҳал қилиш, миллий манфаатларни илгари суришда иқти¬содий дипломатияга таяна бошлади. 60-йилларининг иккинчи ярмидан 80-йилларнинг ўрталаригача Япониянинг иқтисодий ўсиши асосан экспорт ҳисобига амалга оширилди. 80-йилларнинг биринчи ярмида иқтисодий жиҳати муҳим бўлган “комплекс хавфсизлик” доктринасига амал қилиб, ҳамкорлар билан савдо ва сармоявий муно¬сабатлардаги кескинликни камайтиришга интилиб, Япония бозорни эркин¬лаш¬тириш ва экспортни қўллаб-қувватлаш чора-тадбирларини кўрди. Япониянинг замонавий иқтисодий дипломатиясининг устунларидан бири унинг кўп томонлама савдони тартибга солиш тизимининг меъёр ва қоидаларини ишлаб чиқишда фаол иштирок этишидир. Мамлакатнинг глобал ўрнини излашда сиёсий истеб¬лишмент иқтисодий дипломатияга таянади, савдо ва инвестиция фаолиятининг хал¬қаро стандартлари ва юқори сифатли инфратузилмани ишлаб чиқишда етакчи ўрин¬ларни эгаллаш вазифаларини белгилаб беради. Ушбу йўналиш истиқболда халқаро май¬донда сиёсий таъсирни кенгайтириш учун асос сифатида қаралади.

Kalit so'zlar: ташқи иқтисодий сиёсат, иқтисодий дипломатиянинг усул ва воситалари, ташқи иқтисодий стратегиялар, жаҳон иқтисодиётида миллий манфаатлар, иқтисодий дипломатиянинг институционал асослари, халқаро савдо, инвестициявий сиёсат.

Jurnaldagi sahifalar: 30 - 38