Muallif: Yuldosheva, Bibirajab; Raximova, Dilnoza

Annotatsiya: Ushbu maqola Turkiston hududida sovet hokimiyati o‘rnatilganidan keyingi dastlabki yillarda yuz bergan hududiy-siyosiy o‘zgarishlarning tarixiy geografik manzarasini tahlil etadi. Tadqiqotda Buxoro Xalq Sovet Respublikasi (BXSR) va Xorazm Xalq Sovet Respublikasi (XXSR)ning siyosiy-hududiy chegaralari, ma’muriy bo‘linmalaridagi o‘zgarishlar, iqtisodiy rayonlashuv jarayonlari, aholi joylashuvi va ko‘chish harakatlari chuqur tarixiy-geografik manbalar asosida yoritiladi. Muallif arxiv hujjatlari, o‘sha davr kartografik materiallari, mahalliy va markaziy nashrlarda chop etilgan ma’lumotlar hamda sovet hukumatining dastlabki ma’muriy islohotlariga doir qarorlar asosida mintaqaning geosiyosiy muhitida yuz bergan transformatsiyalarni ilmiy tahlil qiladi. Maqolada BXSR va XXSRning sovetlashtirish siyosati ta’sirida kechgan hududiy qayta tashkilotlar, yangi ma’muriy birliklarning joriy etilishi, iqtisodiy infratuzilma va transport yo‘llarida kuzatilgan o‘zgarishlar, shuningdek, etnik tarkibning hududiy joylashuviga ta’sir etgan demografik omillar alohida o‘rin egallaydi. Tadqiqot natijalari 1920–1924 yillarda mintaqaning siyosiy-iqtisodiy geografik qiyofasi qanday shakllanganini ko‘rsatib, BXSR va XXSR misolida Markaziy Osiyoda sovet hududiy siyosatining ilk bosqichlarini tarixiy-geografik yondashuv asosida qayta talqin etadi.

Kalit so'zlar: Yosh xivaliklar, Xalq Nozirlar Kengashi, Buxoro Xalq Nozirlar Sho‘rosi, Markaziy Ijroiya Qo‘mitasi, Qizil armiya, RSFSR

Jurnaldagi sahifalar: 27 - 37