Muallif: Turayev, Xayit Xudaynazarovich; Xolboyeva, Aziza Ixtiyarovna; Safarova, E’zozxon Ramazon Qizi

Annotatsiya: Hozirgi kunda dunyo bo‘yicha yog‘och materiallarini biologik samaradorligini oshirish yildan yilga dolzarb bo‘lib bormoqda. Bu yo‘nalishda, jumladan, sifatli azot va oltingugurt saqlagan oligomer antiseptiklarni ishlab chiqarish, ularni yog‘och qurilish materiallari biologik samaradorligini oshirish borasida muayyan natijalarga erishildi. Ushbu ishdan maqsad, tarkibida azot, oltingugurt bo‘lgan organik oligomerlar olish va ular asosida yog‘ochni materialllarni himoyalovchi antiseptik sifatida qo‘llashning samarador texnologiyasini ishlab chiqishdan iborat. Ushbu jarayonlarni tadqiq etishda infraqizil spektroskopiyasi (IQ) tahlil usullari hamda fizik-kimyoviy xususiyatlarni tadqiq etishda foydalanilgan. Tadqiqot natijasida tarkibida azot, oltingugurt saqlagan organik oligomer antipiren-antiseptiklarni fizik - kimyoviy xossa va xususiyatlari tadqiq etilgan.

Kalit so'zlar: Melamin, ammoniy sulfat, polifunksional oligomer, antipiren-antiseptik, addukt, IQ spektroskopiyasi, qovushqoq oquvchanlik